रुकुम पश्चिम -२३, फागुन ।
रुकुम पश्चिममा नेपाली कम्युनिष्ट पार्टीका उम्मेदवार गोपाल शर्माले अग्रता कायम गरेका छन् । फागुन २१ गते सम्पन्न प्रतिनिधि सभा सदस्य निर्वाचनको मत परिणाममा शर्माले अग्रता कायम गरेका हुन् ।
मुख्य निर्वाचन अधिकृतको कार्यालयका अनुसार आज बिहान ६:३० बजे सम्मको मत परिणाममा नेकपा उम्मेदवार शर्माले ७ हजार २ सय ७२ मत प्राप्त गरेका छन् । उनको प्रतिस्पर्धी प्रलोपा उम्मेदवार जनार्दन शर्माले ५ हजार १ सय ६० मत प्राप्त गरेका छन् ।
नेपाली काँग्रेसका उम्मेदवार राजु केसीले भने ४ हजार ८ सय ४२ मत प्राप्त गर्दा रास्वपा उम्मेदवार मानबहादुर शाहीले १ हजार २ सय ५१ मत प्राप्त गरेका छन् । एमाले उम्मेदवार नन्दराम देवकोटाले ६ सय २१ मत प्राप्त गरेका छन् ।
मुख्य निर्वाचन अधिकृतको कार्यालयले यो मत परिणाम सार्वजनिक गर्दा आठबिसकोट नगरपालिका र बाँफिकोट गाउँपालिकाको मत गणना गरी सकिएको जनाएको छ । जसअनुरूप रुकुम पश्चिममा २० हजार ७ सय ४१ मत गणना गरेर सकिएको छ । गणना भएको मतमा १९ हजार ७ सय ५४ मत सदर भएको छ । एक हजार ८७ मत भने बदर भएको छ ।
कुल १ लाख ६ हजार ६ सय ६० मतदाता रहेको रुकुम पश्चिममा यसपटक सम्पन्न प्रतिनिधि सभा सदस्य निर्वाचनमा ६२ हजार ९ सय ६८ मत खसेको छ ।
आठबिसकोट नगरपालिका र बाँफिकोट गाउँपालिकाको मत गणना पश्चात् अहिले चौरजहारी नगरपालिकाको मत गणना भइरहेको छ ।
