रुकुम पश्चिम -१५, फागुन ।

रुकुम पश्चिममा उज्यालो नेपाल पार्टीका उम्मेदवार नरेन्द्र केसीले प्रलोपा उम्मेदवार जनार्दन शर्मालाई समर्थन गर्ने सहमति गरेका छन् । फागुन २१ गते हुने प्रतिनिधि सभा सदस्य निर्वाचनका लागि केसीले उम्मेदवारी निस्क्रिय बनाउँदै शर्मालाई समर्थन गर्ने सहमति गरेका हुन् ।

दुई पार्टीको सहमति तथा साझा प्रतिवद्धता पत्र मार्फत रुकुम पश्चिमको समग्र विकास, प्रविधिमैत्री सुशासन र आगामी निर्वाचनमा साझा नेतृत्व तथा सहकार्यका लागि शर्मालाई सघाउने निर्णय गरिएको केसीले बताए ।

दुई पार्टीबीच आज भएको ४ बुँदे सहमतिमा केसीले आफ्नो उम्मेदवारी निस्क्रिय बनाउँदै चुनावी अभियान समेत स्थगित गरी प्रलोपा उम्मेदवार शर्मालाई पूर्ण समर्थन गर्ने सहमति गरिएको छ । त्यस्तै सबै मतदातालाई प्रत्यक्षतर्फ प्रलोपा उम्मेदवार र समानुपातिक तर्फ आ-आफ्नो पार्टीलाई मतदानका लागि आह्वान गर्ने प्रतिबद्धता गरिएको छ ।

यसैगरी यसअघि उम्मेदवार केसीले सार्वजनिक गरेका चुनावी एजेन्डालाई प्रलोपा उम्मेदवारले आफ्नै चुनावी प्रतिबद्धता सरह स्वीकार गर्ने र निर्वाचन पछि नीतिगत तथा योजनागत भूमिकामा दुवै पार्टीले प्राथमिकता दिने गरी सहमति पत्रमा हस्ताक्षर गरेका छन् ।

यस्तो छ सहमति पत्र ।