रुकुम पश्चिम -१०, भदौ ।

हिन्दू महिलाहरूले आज भगवान शिवको पूजा आराधना गरी तिज पर्व मनाउँदैछन् । पति र परिवारको रक्षार्थका लागि व्रत बसेर हिन्दु महिलाहरूले तिज पर्व मनाउँदैछन् ।

आजको दिन निराहार र निर्जला व्रत बस्ने चलन छ । आज तिजको दिन शिव मन्दिर र शिवालयमा दर्शनार्थीको विशेष भिड लाग्ने गर्दछ ।

हरितालिका तिजले माता पार्वतीले भगवान शिव पाउँ भनी गरेको १०८ वर्षको तपस्याको याद दिलाउने गर्दछ ।

तिजको दिन अविवाहित नारीहरूले शिवजी जस्तै योग्य वर प्राप्त गर्न सकौँ र विवाहित महिलाहरूले पारिवारिक तथा दाम्पत्य जीवन सफलताको लागि व्रत-आराधना गर्ने गर्दछन् ।