रुकुम पश्चिम -२०, चैत ।

आठविसकोट नगरपालिकामा मङ्गलबार राति ट्याक्टर दुर्घटना हुँदा एक जनाको मृत्यु भएको छ । सडक मर्मतका लागि सिमेन्ट बोकेको ट्याक्टर वडानम्बर -९, मा दुर्घटना हुँदा एकजनाको मृत्यु भएको हो ।

दुर्घटनामा त्रिवेणी गाउपालिका -५, जिबाङका अन्दाजी २० वर्षीय नबिन परियारको मृत्यु भएको प्रहरीको भनाइ छ । दुर्घटना लगत्तै मृतक परियारलाई अस्पताल पुर्‍याइएको थियो । तर अस्पतालले मृत्यु भएको घोषणा गरेको आठविसकोट इलाका प्रहरी कार्यालयका प्रहरी सहायक निरीक्षक खडक थापाले जानकारी दिए ।

भे १ त ३८९१ नम्बरको ट्याक्टर अनियन्त्रित भई सडकबाट झण्डै तीनसय मिटर तल खसेको बताइएको छ ।