रुकुम पश्चिम -१२, असार ।

रुकुम पश्चिमको त्रिवेणी गाउँपालिका -६, को डाँगी मोडमा आज बेलुकी साढे ७ बजे फोर्सगाडी दुर्घटनामा परेको छ । दाङबाट मुसिकोट खलङ्गाका लागि छुटेको लु २ ख ४९८० नम्बरको फोर्स गाडी अनियन्त्रित भई सडकमा पल्टिएर दुर्घटनामा परेको हो ।

जिल्ला प्रहरी कार्यालयका अनुसार फोर्स गाडी दुर्घटनामा परेर चालक सहित ७ जना घाईते भएका छन् । घाइते सबैजनालाई उपचारको लागि सल्ले अस्पताल पठाइएको छ ।

घाइतेको विवरण आउन बाँकी रहेको प्रहरीले बताएको छ । गाडी दुर्घटना भए लगत्तै प्रहरी चौकी झुल्नेटा र सिम्रुतुबाट १० जना प्रहरी घटनास्थलमा खटिएको बताइएको छ ।