रुकुम पश्चिम -२६, वैशाख ।

आइसिसी विश्वकप लिग-२ को तयारी स्वरुप आज भएको अभ्यास खेलमा नेपाल ‘ए’ सँग स्कटल्यान्ड पुनः पराजित पराजित भएको छ । नेपालले स्कटल्यान्डलाई डिएलएस मेथडमा ९ रनले पराजित गरेको हो ।

काठमाडौँ स्थित मूलपानी क्रिकेट मैदानमा ३ सय ३ रनको विशाल लक्ष्य पछ्याएको नेपालले ३४ ओभर पाँच बलमा चार विकेट गुमाउँदै २ सय चार रन बनायो । वर्षाका कारण डिएलएस मेथडमा नेपालले पुनः अभ्यास खेलमा स्कटल्यान्डलाई पराजित गर्न सफल भयो ।

नेपालका लागि सन्दिप जोराले अविजित ८३ रन बनाए । त्यस्तै इशान पाण्डेले ५० रनको अर्धशतकीय पारी खेले ।

अब नेपालले सोमबार अन्तिम अभ्यास खेल अमेरिकासँग खेल्नेछ । शुक्रबार भएको खेलमा नेपालले अमेरिकालाई तीन विकेटले पराजित गरेको थियो ।