रुकुम पश्चिम -१७, वैशाख ।

रोल्पाको थवाङ गाउँपालिका -१, जलजला नजिकै आज भएको जिप दुर्घटनामा मृत्यु हुनेको संख्या २० पुगेको छ । रुकुम पूर्वको रुकुमकोटबाट जलजला जाँदै गरेको लु १ ज ४१६७ नम्बरको जिप दुर्घटना हुँदा अहिलेसम्म २० जनाको घटनास्थलमै मृत्यु भएको प्रहरीले बताएको छ ।

दुर्घटनामा जलजला हिँडेका सिस्ने गाउँपालिका -५, टाकुरा गाउँका स्थानीय यात्रु रहेका छन् । तर, मृत्यु हुनेको अझै सनाखत हुन सकेको छैन ।

दुर्घटनामा परेको जिप भीरबाट ८ सय मिटर तल खसेको र उद्धार कार्य जारी रहेको छ । जिपमा कति जना यात्रु सवार थिए भन्ने एकिन हुन सकेको छैन ।

घटनाको विस्तृत विवरण आउन बाँकी रहेको प्रहरीले बताएको छ ।