रुकुम पश्चिम -१७, पुस ।

आजदेखि इस्वी सम्वतको नयाँ वर्ष सन् २०२६ सुरु भएको छ । नयाँ वर्षको अवसरमा आज एकापसमा शुभकामना आदानप्रदान गरिन्छ ।

येशु ख्रिस्टको जन्म भएको वर्षदेखि पादरी ग्रेगोरियनले सुरु गरेकाले यसलाई ग्रेगोरियन पात्रो पनि भन्ने गरिएको छ । इस्वी सन् ग्रेगोरियन पात्रोका आधारमा चलाइएको हो ।

डा शास्त्रदत्त पन्तका अनुसार सौरमास र चन्द्रमासको समन्वयबाट वैदिककालदेखि नै सुरु भएको विसं जति वैज्ञानिक नभए पनि हाल इस्वी सन्को प्रभाव विश्वव्यापी बन्दै गएको छ ।

पछिल्लो समय नेपालमा समेत अङ्ग्रेजी नयाँ वर्ष उल्लासपूर्वक मनाउने चलन छ । नयाँ वर्ष २०२६ का अवसरमा देशका ठूला सहरमा विभिन्न कार्यक्रम आयोजना गरी नयाँ वर्षको स्वागत गर्ने चलन छ ।