रुकुम पश्चिम -८, मङ्सिर ।

नेपाल प्रिमियर लिग (एनपीएल) मा आज दुईवटा खेल हुँदैछन् । टियु क्रिकेट मैदानमा जारी एनपीएल प्रतियोगितामा पहिलो खेल जनकपुर बोल्ट्स र विराटनगर किङ्स बिच प्रतिस्पर्धा हुनेछ । उक्त खेल बिहान ११:४५ बजेदेखि सुरु हुँदैछ ।

त्यसैगरी दोस्रो खेलमा कर्णाली याक्स र सुदूरपश्चिम रोयल्सले प्रतिस्पर्धा गर्नेछन् । खेल अपराहन्न ४ बजेदेखि सुरु हुनेछ ।

आज हुने प्रतियोगितामा पहिलो खेल हारेको जनकपुर जितको खोजीमा हुनेछ । विराटनगर किङ्सले भने प्रतियोगितामा अपराजित हुँदै दुईवटा खेल जितिसकेको छ ।

त्यस्तै सुदूरपश्चिम रोयल्स पनि प्रतियोगितामा दुईवटा खेल जित्दै अपराजित छ । कर्णाली याक्सले भने एक खेल जित्दा एक खेल हारेको छ ।

मङ्सिर १ गतेदेखि सुरु भएको दोस्रो संस्करणको नेपाल प्रिमियर लिग एनपीएलमा कुल ८ वटा टिमको सहभागिता रहको छ ।

यसपटक टियु क्रिकेट मैदानमा फ्लड लाईट र कुर्सी राखेपछि रात्रिकालीन समयमा पनि एनपीएलका खेलहरू सञ्चालन भइरहेका छन् । एनपीएलमा एसोसिएट र टेष्ट राष्ट्रका खेलाडीहरूको समेत सहभागिता रहेको छ ।

एनपीएलको फाइनल खेल मङ्सिर २७ गते हुनेछ । पहिलो संस्करणको एनपीएल उपाधि जनकपुर बोल्ट्सले जितेको थियो ।