रुकुम पश्चिम -१३, साउन ।

रुकुम पश्चिममा बुवाको हत्या गर्ने छोरालाई आज प्रहरीले नियन्त्रणमा लिएको छ । सानीभेरी गाउँपालिका -८, फुक्रुका प्रेमबहादुर घर्तीलाई प्रहरीले नियन्त्रणमा लिएको हो ।

जिल्ला प्रहरी कार्यालयका प्रहरी निरीक्षक झबिन्द्र परियारका अनुसार बुवाको हत्या गर्ने प्रेमलाई भर्खरै जिल्ला पुर्‍याइएको छ । अहिले घटनाका सम्बन्धमा थप बुझ्ने काम भइरहेको परियारले बताए ।

प्रहरी नियन्त्रणमा रहेका घर्तीले आफ्नै बाबु ७४ वर्षीय ठकेन्द्र घर्तीलाई आज दिउँसो हँसिया प्रयोग गरेर हत्या गरेको हुन सक्ने प्रहरीले बताएको छ । घटनाका विषयमा अनुसन्धान भइरहेको छ ।