काठमाडौँ, -२५ भदौ 

राजधानीसहित देशका विभिन्न स्थानमा सञ्चालन गरिएको नेपाली सेनाको सुरक्षा अपरेसनबाट महत्वपूर्ण सफलता हात परेको छ । सेनाले राजधानीको महाराजगञ्ज ईलाकाबाट ४ जना व्यक्तिलाई पक्राउ गर्दै ७ नाल हतियार, म्यागजिन, राउण्ड, व्युनेटलगायतका एसेसरिज तथा व्यक्तिगत सामग्री बरामद गरेको छ ।

साथै, विशेष सूचनाका आधारमा बालाजु माछापोखरी क्षेत्रबाट थप १ नाल हतियार पनि बरामद गरिएको सेनाले जनाएको छ । यससँगै हालसम्म ७३ नाल हतियार सेनाले नियन्त्रणमा लिएको पुष्टि गरिएको छ ।

धुलिखेल जिल्ला कारागारमा कैदीबन्दी र नेपाल प्रहरीबीच भएको झडपलाई नियन्त्रणमा लिएको छ ।

डिल्लीबजार कारागारमा लागेको आगो नेपाली सेना तथा अन्य सुरक्षाकर्मीहरूको संयुक्त प्रयासमा नियन्त्रणमा ल्याइएको छ ।

यस्तै, सुरक्षाकर्मीहरूले विभिन्न जिल्लाबाट फरार कैदीबन्दीलाई पक्राउ गर्ने कार्यलाई निरन्तरता दिइरहेका छन् । हालसम्म सप्तरीबाट ४, सुनसरीबाट २०२, रुकुम (पश्चिम)बाट ४३, कपिलवस्तुबाट ५०, र म्याग्दीबाट ४ जना फरार कैदी पक्राउ परेका छन् । सुरक्षा निकायका अनुसार बाँकी फरार कैदीबन्दीलाई पनि क्रमशः पक्राउ गर्ने अभियान जारी छ ।