रुकुम पश्चिम -२०, जेठ ।

विश्वकप लिग टु क्रीकेट अन्तर्गत नेपालले स्कटल्यान्डलाई १ विकेटले पराजित गरेको छ । चौथो राउण्डको त्रिकोणात्मक सिरिजको पहिलो खेलमा सोमबार भएको खेलमा नेपालले स्कटल्यान्डलाई पराजित गरेको हो ।

ब्याटर करण केसीको विष्फोटक ब्याटिङको सहयोगमा घरेलु टोली स्कटल्याण्डमाथि नेपालले रोमाञ्चक जित निकालेको छ ।

स्कटल्याण्डको फोर्थहिल क्रिकेट मैदानमा भएको खेलमा नेपालले रोमाञ्चक जित निकालेको हो । २ सय ९७ रनको लक्ष्य नेपालले १ बल बाँकी रहँदा ९ विकेट गुमाएर पूरा गर्याे ।

अन्तिम बलमा नेपालको जितका लागि १ रन आवश्यक रहेको थियो । अन्तिम बल मार्क वाटले वाइड गरेपछि नेपालले रोमाञ्चक जित हासिल गरेको हो ।

नेपालको जितमा करण केसीले ४१ बलमा ३ चौका र ४ छक्काको सहयोगमा अविजित ६५ रन जोडे ।