रुकुम पश्चिम -२८, फागुन ।
नेपाल क्रीकेट संघ क्यानले पाँचजना खेलाडीलाई ‘ए’ ग्रेडमा राखेको छ । संघले आज सार्वजनिक गरेको वार्षिक सम्झौतामा पाँचजना खेलाडीलाई ‘ए’ ग्रेडमा राखेको हो ।
क्रीकेट संघका अनुसार कप्तान रोहित कुमार पौडेल सहित सोमपाल कामी, दिपेन्द्र सिंह ऐरी, आसिफ शेख र सन्दीप लामिछाने ग्रेड ‘ए’ मा परेका छन् ।
त्यस्तै ग्रेड ‘बि’ मा करण केसी, कुशल भुर्तेल, गुलशन झा, ललित कुमार राजवंशी र अनिल कुमार शाह रहेका छन् ।
यसैगरी क्यानको वार्षिक सम्झौता अन्तर्गत ग्रेड ‘सि’ मा सन्दीप जोरा, आरिफ शेख, भीम सार्की र कुशल मल्ल परेका छन् ।
ग्रेड ‘डि’ मा भने सागर ढकाल, साहब आलम, लोकेश बम, आकाश चन्द, विवेक यादव, सूर्य तामाङ, देव खनाल, बसिर अहमद, प्रतिश जिसी, अविनाश बोहरा र मायन यादव रहेका छन् ।
क्यानको वार्षिक सम्झौतामा ग्रेड ए देखि डि सम्मका खेलाडीले क्रमश एकलाख, ७० हजार, ५५ हजार र ३५ हजार मासिक तलब पाउने छन् ।
क्यानले ७ जना खेलाडीलाई इमर्जिङ प्लेयरको रुपमा अनुबन्ध गरेको छ । उक्त खेलाडीहरूले मासिक २५ हजार रूपैयाँ प्राप्त गर्नेछन् ।
