रुकुम पश्चिम -१७, फागुन ।
गायक तथा संगीतकार प्रकाश रन्काको आवाजमा सजिएको देशभक्तिपूर्ण गीत “बिर गोर्खाली” सार्वजनिक भएको छ । गोर्खालीहरूको वीरता, साहस र गौरवमय इतिहास झल्काउने प्रयास गरिएको गीत युट्युबमार्फत केही दिन अघि सार्वजनिक भएको हो ।
गीतमा प्रकाश रन्का स्वयंकै संगीत र शब्द रहेको छ भने, समुहगत स्वरमा इन्द्र रोका मगर, सुर्य कुमारी पुन, सबिना बुढा, कुमार सानु पुन, प्रेम दिप लगायतका कलाकारहरूले साथ दिएका छन् । गीतको एरेञ्ज सन्तोष सुनामले गरेका छन् रेकर्डिंग सागर पुन NB को हो । मिक्सिङ तथा मास्टरिङ कुमार सानु पुनले गरेका छन् ।
एकिन्द्र शरशंकरले निर्देशन गरेको भिडियोमा पूर्ण चन्द्र केसी, जीवनराज सेडाई, नरेश राम सिंह, दीपिका मगर, जेनी मगर, मनिषा केसी, सोनिका मगर, आरिया मगर, कुमारी पुन मगर, रोशनी मगर, मीना पाख्रिन, सुमन्ती मगर र जेनिशा केसीको अभिनय देख्न सकिन्छ ।
गीतमा हरीश महराको छायांकन रहेको छ । सम्पादन र रंग संयोजन राजकुमार मगरले गरेका छन् भने भिडियोको पोस्ट-प्रोडक्सन राजकुमार फिल्म्सले गरेको छ ।
गीतले नेपालीको वीरता, देशभक्ति भावना र गोर्खालीहरूको अदम्य साहसलाई उच्च सम्मान दिने प्रयास गरेको छ । @prakashrankaoffcial युट्युब च्यानलमार्फत सार्वजनिक गरिएको गीतले श्रोता तथा दर्शकहरूबाट सकारात्मक प्रतिक्रिया पाइरहेको छ ।
गीत हेर्नको लागी तलको लिन्क खोल्नुहोला ।
