रुकुम पश्चिम -३०, माघ ।

चलचित्र निर्माता सुशील पोखरेलले निर्माण गर्न लागेको चलचित्र “परालको आगोमा”  मुख्य कलाकारका रुपमा अभिनेता जितु नेपाललाई अनुबन्ध गरिएको छ । निर्माता सुशील पोखरेलका अनुसार  कलाकार अनुबन्धको चरणमा रहेको “परालको आगो” निर्माण टिमले मुख्य नायकको रुपम जितुलाई अनुबन्ध गरेको हो ।

चलचित्रमा दुई मुख्य नायक हुनेछन् । जसअनुसार जितु नेपाल पछि एकजना मुख्य नायक अनुबन्ध हुनेछन । तर ती नायक को हुने भन्ने विषयमा भने निर्माण टिमले अझै खुलाएको छैन । निर्माण टिमले जितु नेपाललाई अनुबन्ध गर्नु  अघि मुख्य नायिकाको रुपमा भने अभिनेत्री सुहाना थापालाई अनुबन्ध गरिसकेको छ ।

हरी ॐ सिने मेकर्स प्राली ब्यानरमा निर्माण हुन लागेको चलचित्र परालको आगोलाई लक्षमण सुनारले निर्देशन गर्न लागेका छन ।

“परालको आगो” स्वर्गीय गुरुप्रसाद मैनालीको कथा संग्रह “नासो” मा संग्रहित छ । मैनालीको कथा संग्रह अमर कृति “परालको आगोमा” आधारित “परालको आगो”  २०८२ मा प्रदर्शन हुने गरि निर्माणको काम अघि बढाउने  निर्माण टिमको भनाइ छ ।