रुकुम पश्चिम -१६, असोज ।

कर्णाली प्रदेश भलिबल संघको चौथो अधिवेशनबाट ईश्वर बहादुर शाही निर्वाचित भएका छन् । केहीदिन अगाडि सुर्खेतको वीरेन्द्रनगरमा सम्पन्न अधिवेशनले शाहीलाई भलिबल संघको नेतृत्वमा चयन गरेको हो ।

शाहीको नेतृत्वमा चयन भएको नयाँ कार्यसमितिको उपाध्यक्षमा गणेश बहादुर विष्ट, महासचिवमा खेमराज केसी र कोषाध्यक्षमा नैनसरा बुढा निर्वाचित भएका छन् ।

त्यस्तै कार्यसमिति सदस्यमा भुपेन्द्र कुमार डिसी, लक्ष्मी बहादुर रावल र बाबुराम सुनार निर्वाचित भएको निर्वाचन मण्डलका निर्वाचन अधिकृत प्रदिप कुमार राईले बताए ।

नेपाल भलिबल संघका केन्द्रीय सचिव भोम बहादुर श्रेष्ठ (संगम) र केन्द्रीय कोषाध्यक्ष श्याम कृष्ण श्रेष्ठको उपस्थितिमा सात सदस्यीय कर्णाली प्रदेश भलिबल संघ चयन गरिएको बताइएको छ ।