रुकुम पश्चिम -२३, साउन ।

रुकुम पश्चिममा आज देखि कमलताल यातायात प्रालिले पुन: तीनवटा एसी सुपर बस थपेको छ । रुकुम-काठमाडौँ तथा काठमाडौँ-रुकुम पश्चिम चल्ने गरी दोस्रो पटक नयाँ एसी बस थप गरेको हो ।

कमलताल प्रालिका अध्यक्ष ललित बुढाका अनुसार रुकुमेली नागरिकलाई लामो दुरीको आरामदायी यात्रा दिने गरी दुई महिनाको अन्तरालमा नयाँ सुपर बस थप गरिएको छ । करिब ३ करोड लगानीमा एसी सुपर बस थपिएको छ । ३२ सिट क्षमताका तीनवटै बसमा ६/६ जना यात्रुलाई सुतेर यात्रा गर्ने व्यवस्था पनि छ ।

नयाँ सुविधायुक्त बसमा सोफा सिट, एसी, वाईफाई, मोबाइल चार्जिङ पोइन्ट र टिभी जडान गरिएको छ ।

यी बसमा यात्रा गर्दा यात्रुलाई अन्य बसको भन्दा २० प्रतिशत बढी भाडा लाग्ने छ । यसअघि कमलताल यातायात प्रणालीले जेठ २३ गते चार वटा नयाँ बस सञ्चालनमा ल्याएको थियो ।

तर, दुईवटा बस यातायात प्रणालीबाट छुट्टिएपछि अब यस प्रालिसँग पाँचवटा एसी सुपर बस सञ्चालनमा रहनेछन् । यो प्रालिले अझै दुई वटा बस थप गर्दैछ ।