रुकुम पश्चिम -२१, साउन ।
रुकुम पश्चिमको मुसिकोट नगरपालिका -८, ताँवलेमा आज बेलुकी मोटरसाइकल र भ्यान एकआपसमा ठोकिँदा एकजनाको मृत्यु भएको छ । दुर्घटनामा अर्को एकजना गम्भीर घाइते भएका छन् ।
जिल्ला प्रहरी कार्यालयका प्रहरी निरीक्षक तथा सूचना अधिकारी झबिन्द्र परियारका अनुसार दुर्घटनामा मृत्यु हुने र घाइतेको पहिचान खुलेको छ । दुर्घटनामा आठविसकोट नगरपालिका -७, का १८ वर्षीय निवास बोहराको मृत्यु भएको छ । त्यस्तै वडानम्बर -१०, का २० वर्षीय गणेश शाही गम्भीर घाइते भएका छन् ।
मध्य पहाडी लोकमार्गमा पर्ने सडक खण्डमा भएको दुर्घटनाका घाइतेको जिल्ला अस्पताल सल्लेमा उपचार पछि जिल्ला बाहिर रिफर गरिएको छ ।
रुकुम पूर्वको रुकुमकोटबाट आउँदै गरेको कारागार कार्यालय रुकुम पश्चिमको बा. प्र.-०३००१ च ३९५६ नम्बरको भ्यान र रुकुम पूर्वतर्फ जाँदै गरेको क. प्र. -०३००१ प ०७६८ नम्बरको मोटरसाइकल एकआपसमा ठोकिएर दुर्घटना भएको बताइएको छ ।
