रुकुम पश्चिम -२३, फागुन ।

फागुन २१ गते सम्पन्न प्रतिनिधि सभा सदस्य निर्वाचन पछि जारी मतगणना र परिणामलाई लिएर रास्वपा कर्णालीका नेता पुस्तक चन्दले दिगो विकासको योजना अघि सार्ने बताएका छन् । देशैभर राष्ट्रिय स्वतन्त्र पार्टीको पक्षमा जनमत बढ्दै गएपछि कर्णालीको समृद्धिका लागि विकासका योजना अगाडि सार्ने बताएका हुन् ।

नेता चन्दले आज फेसबुक मार्फत आफ्नो धारणा सार्वजनिक गरेर कर्णालीको मतको सम्मान गरेका छन् । उनले कर्णालीको भौगोलिक विकटतालाई मध्यनजर गरी आगामी दिनमा विशेष कार्यक्रम ल्याउने समेत बताएका छन् ।

राष्ट्रिय स्वतन्त्र पार्टीले कर्णालीमा सोचेजस्तो जनमत प्राप्त गर्न नसकेकोमा पार्टीको तर्फबाट क्षमा माग्दै देशैभरको जनमतले उत्साहित भएको उनको आशय छ ।

साथै देशैभरको निर्वाचन मत परिणाम पछि आफ्नो पार्टीको सरकारले कर्णालीको समृद्धिका लागि विशेष खालका कार्यक्रम अगाडि सार्ने ठोकुवा समेत गरेका छन् ।