रुकुम पश्चिम -२१, फागुन ।

आज देशका ७७ वटै जिल्लामा प्रतिनिधि सभा सदस्य तर्फको निर्वाचन हुँदैछ । फागुन २१ गते अर्थात् आज बिहिबारका दिन देशभर एकै साथ निर्वाचन हुँदैछ ।

मतदान कार्य बिहान ७ बजेदेखि सुरु भई साँझ ५ बजे सकिनेछ । मतदानका लागि मतदाताले आफ्नो मतदाता परिचयपत्र वा नेपाली नागरिकताको प्रमाणपत्र साथमै लिएर आफ्नो मतदान केन्द्रमा जानुपर्ने छ ।

त्यस्तै राष्ट्रिय परिचयपत्र, राहदानी वा जग्गाधनी प्रमाणपुर्जा वा सवारी चालक अनुमतिपत्र पनि मतदानका निम्ति मान्य हुने निर्वाचन आयोगको भनाई छ ।

आज हुने निर्वाचनमा देशभर १ करोड ८९ लाख ३ हजार ६ सय ८९ मतदाता मतदानका लागि योग्य रहेको आयोगले बताएको छ ।

निर्वाचनलाई शान्तिपूर्ण र भएरहित वातावरणमा सम्पन्न गराउन देशभर ३ लाख बढी सुरक्षाकर्मी परिचालन गरिएको छ । आज निर्वाचनको दिन सवारी साधनमा समेत रोक लगाइएको छ ।