रुकुम पश्चिम -१०, असोज ।

रुकुम पश्चिमको मुसिकोट नगरपालिकाले अस्थायी र करार कर्माचारी सङ्गको सम्झौता रद्द गरेको छ । संघीय मामिला तथा सामान्य प्रशासन मन्त्रालयको परिपत्रानुसार अस्थायी र करार कर्माचारी सङ्गको सम्झौता रद्द गरेको नगरपालिकाले बताएको छ ।

असोज ५ गते बसेको मन्त्रिपरिषद्को बैठकले गरेको निर्णय अनुसार नगरपालिकाले अस्थायी तथा करारमा कर्मचारी नराख्ने भएको छ । नगरपालिकाले स्वीकृत दरबन्दी बाहेक अस्थायी नियुक्ति भएका र करार सेवामा कार्यरत स्वास्थ्यकर्मी, शिक्षक तथा अन्य कर्मचारीको सम्झौता असोज ११ गतेदेखि लागू हुने गरी रद्द गरेको बताएको छ ।

मन्त्रिपरिषद् बैठकले असोज ५ गते नेपाल सरकार, प्रदेश तथा स्थानीय तहमा स्वीकृत दरबन्दी बाहेकका अस्थायी र करार कर्मचारी नराख्ने निर्णय गरेको थियो ।