रुकुम पश्चिम -१५, भदौ ।

शनिबार रातिको अविरल वर्षाका कारण पहिरो जाँदा आठबिसकोट नगरपालिका -१४, बाँके ज्यामिरकोटमा अवस्थित श्री आदर्श माध्यमिक विद्यालयको भवनमा क्षति पुगेको छ ।

विद्यालयका प्रधानाध्यापक तिलक मल्लका अनुसार माथिबाट आएको पहिरोले विद्यालयको अफिस कोठामा पसेर भित्ता भत्काएको छ । भित्ता भत्किँदा अफिसभित्र रहेका एक थान कुर्सी, झ्याल, वायरिङ लगायतका सामग्रीमा क्षती भएको र लाखौँ मूल्य बराबरको क्षति पुगेको छ ।

विद्यालयमा भएको क्षतिले पठनपाठन प्रभावित हुने देखिएको छ । विद्यालयमा थप जोखिम हुन नदिन पहिरो रोकथामको पहल गर्न सम्बन्धित निकायलाई विद्यालयले आग्रह गरेको छ ।