रुकुम पश्चिम -९, साउन ।

आठविसकोट नगरपालिका -१४, पिपलचौर नजिकै गत मङ्गलबार बेलुकी टिप्पर दुर्घटनामा बेपत्ता भएका एकजनाको शव फेला परेको छ । ठूलीभेरी नदिमा खसेको यति बिल्डर्सको रा १ क १५०१ नम्बरको टिप्परमा सवार तीनजना बेपत्ता मध्य एकजनाको शव आज सुर्खेतमा भेटिएको हो ।

जिल्ला प्रहरी कार्यालय रुकुम पश्चिमका प्रहरी नायब उपरीक्षक (डिएसपी) प्रमेश बिष्टका अनुसार टिप्पर चालक दाङ घर भएका मणिराम चौधरीको शव भेरीगंगा नगरपालिका -२, खोचीमा भेटिएको छ । अन्य दुई जना बेपत्ताको खोजीकार्य भइरहेको प्रहरीले बताएको छ ।

भेरी करिडोर अन्तर्गत जाजरकोट डोल्पा सडकबाट भेरी नदीमा खसेको टिप्परमा सवार सानीभेरी गाउँपालिका -३, का धनबिर बिक र हेल्पर रुकुम पूर्वको सिस्ने गाउँपालिका -८, का हरि बिक अझै बेपत्ता छन् ।