रुकुम पश्चिम -१४, वैशाख ।

मुसिकोटमा आज निःशुल्क वेटर तालिम सञ्चालन उद्घाटन गरिएको छ । नेपाल सरकार वैदेशिक रोजगार वोर्डको आर्थिक सहयोग तथा ब्रिलियन्ट मेनपावर ट्रेनिङ सेन्टरको प्राविधिक सहयोगमा तालिम उद्घाटन गरिएको हो ।

वडानम्बर -१, का कार्यवाहक वडाध्यक्ष धनमाया नेपालीले व्यानर पढेर तालिम उद्घाटन गरेकी हुन् । एकसय ६६ घण्टा अर्थात् एक महिने तालिममा ४० जनाको सहभागिता रहेको छ ।

तालिम प्रशिक्षकको रुपमा ज्ञानु कुमाल रहेको ब्रिलियन्ट मेनपावर ट्रेनिङ सेन्टरले बताएको छ ।

वेटर तालिममा वैदेशिक रोजगारीमा जान इच्छुक तथा सीप विकासका लागि मुसिकोट नगरपालिका लगायत अन्य पालिकाका प्रशिक्षार्थीको उपस्थिति रहेको छ ।

तालिम उद्घाटनको सञ्चालन रिम बहादुर खड्काले गरेका थिए । कार्यक्रममा मुसिकोट नगरपालिका रोजगार संयोजक मायाँ कुमारी श्रीबास्तबको विशेष आतिथ्यता रहेको बताइएको छ ।