रुकुम पश्चिम -७, वैशाख ।

राप्ती लोकमार्गको राम्री-कपुरकोट सडकखण्ड एक हप्ताका लागि बन्द हुने भएको छ । भोलि सोमबार बिहान ११ बजे देखि १४ गतेसम्म स्तरोन्नतिको काम चल्ने भएकाले सडक बन्द गर्न लागिएको हो ।

सडक डिभिजन कार्यालय दाङका अनुसार प्रत्येक दिन बिहान ११ बजे देखि अपराहन्न ४ बजेसम्म सडक बन्द हुनेछ । मुख्य सडक बन्द हुने भएपछि वैकल्पिक मार्गको प्रयोग गर्न सडक डिभिजन कार्यालयले आह्वान गरेको छ ।

वैकल्पिक मार्ग अन्तर्गत साना तथा अत्यावश्यक सवारी साधनको लागि पैयापोखरिया-सातावास-किमुचौर-कपुरकोट सडकलाई प्रयोग गर्न सकिने बताइएको छ ।

सडक स्तरोन्नतिले यात्रु महानुभावमा पर्न गएको असुविधाप्रति सडक डिभिजनले क्षमा मागेको छ । साथै यस अवधिमा सडक प्रयोगकर्ताहरुले निर्माण अवधिभर संयतापूर्वक सूचनाको पालना गरी सहयोग गरिदिनुहुन पनि अनुरोध गरिएको छ ।