रुकुम पश्चिम -६, वैशाख ।
Advertisement
रुकुम पश्चिमको मुसी डाँडामा आज दिउँसो मन्दिरको गेट भत्किएर एकजनाको मृत्यु भएको छ । निर्माणाधीन मन्दिरको नयाँ गेट बनाउने क्रममा पुरानो गेट भत्किएर एकजनाको मृत्यु भएको हो ।
जिल्ला प्रहरी कार्यालय रुकुम पश्चिमका अनुसार गेटले च्यापिएर मुसिकोट नगरपालिका वडानम्बर – ४, थापाचौरका ५९ वर्षीय खिमबहादुर गिरीको मृत्यु भएको छ । गिरीको मृत्यु भएको खबर स्थानीयले दिउँसो सवा एक बजे प्रहरीलाई टेलिफोन मार्फत गराएका थिए ।
उक्त जानकारी पश्चात् प्रहरी निरीक्षक ऋषि पाठकको कमाण्डमा आठ जनाको टोली घटनास्थलमा पुगेको प्रहरीको भनाइ छ ।
