रुकुम पश्चिम -१४, साउन ।
सुनसरी जिल्लाको देवानगञ्ज गाउँपालिकामा केही दिनदेखि उत्पन्न तनाव ग्रस्तलाई लिएर एमाले अध्यक्ष केपी शर्मा ओलीले पार्टीको गम्भीर ध्यानाकर्षण भएको बताएका छन् । ओलीले तनावग्रस्त परिस्थितिमा गोली लागेर ज्यान गुमाएका र गम्भीर घाइतेको घटनाप्रति पार्टीको ध्यानाकर्षण भएको बताएका हुन् ।
उनले अहिलेको जटिल र संवेदनशील घडीमा सम्पूर्ण नागरिक, राजनीतिक दल तथा सरोकारवालालाई एकजुट हुन अपिल गरेका छन् । उक्त अपिलमा अध्यक्ष ओलीले संयमता र सामाजिक सद्भाव, सरकारको गैरजिम्मेवार भूमिका र मौनता, दलहरू बीच नागरिक सहकार्य र राष्ट्रिय एकता र शान्तिका लागि आह्वान सहितको अपिल गरेका छन् ।
ओलीले अपिल सँगै राष्ट्रको अस्तित्व, शान्ति-सुरक्षा र सामाजिक सद्भावमाथि संकट आउन लागेको भन्दै सम्पूर्ण राजनीतिक दल, नागरिक समाज, बुद्धिजीवी तथा विभिन्न धार्मिक एवं सामाजिक सम्प्रदायका अगुवाहरूलाई राष्ट्रिय हित र शान्ति स्थापनाका लागि समेत एकजुट हुन आह्वान गरेका छन् ।
