रुकुम पश्चिम -६, चैत ।

आज देशको अधिकांश भूभागमा बादल लाग्ने भएको छ । कर्णाली र सुदूरपश्चिमका धेरै स्थानमा हावाहुरी, असिना चट्याङ सहित भारी वर्षा हुने मौसम पूर्वानुमान महाशाखाले बताएको छ ।

महाशाखाका अनुसार कर्णाली र सुदूरपश्चिम सहित अन्य प्रदेशमा पनि चट्याङ्ग र असिना सहित मध्यम वर्षा र हिमपातको सम्भावना रहेको छ ।

त्यस्तै आज राति देशभर अधिकांश बादल लाग्नेछ । कर्णाली, सुदुरपश्चिम र गण्डकी प्रदेशको धेरै स्थान र बाँकी प्रदेशका केही स्थानहरूमा मेघगर्जन सहित चट्याङ्ग असिना र मध्यम वर्षा तथा हिमपातको सम्भावना रहेको शाखाले बताएको छ ।

यस्तो अवस्थामा लामो दूरीको यातायात र पदमार्गमा आवतजावत नगर्न तथा सर्वसाधारणलाई सुरक्षित रहन अनुरोध गरिएको छ ।

यसैगरी मौसम पूर्वानुमान महाशाखाले शनिबार दिउँसोदेखि देशभर अधिकांश बादल लाग्ने अनुमान गरेको छ । कोशी र बागमती प्रदेश लगायत देशका पहाडी र हिमाली भूभागका केही स्थान तथा बाँकी प्रदेशको थोरै स्थानमा मेघगर्जन चट्याङ्ग र असिना सहित मध्यम वर्षा र हिमपातको सम्भावना रहेको छ ।