रुकुम पश्चिम -२९, माघ ।

आइसीसी टि२० विश्वकप २०२६ अन्तर्गत नेपालले इटालीसँग इतिहासमै पहिलोपटक लज्जास्पद हार व्यहोरेको छ । मुम्बईको वानखेडे स्टेडियममा आज भएको खेलमा नेपाल १० विकेटले पराजित भएको हो ।

यो हारसँगै नेपालले सुपर आठमा पुग्ने अवसर करिब गुमाइसकेको छ । टस जितेर पहिला बलिङ रोजेको इटालीले नेपाललाई १९ ओभर ३ बलमा अल आउट गर्दै एकसय २३ रनमा रोकेको थियो । जवाफी ब्याटिङमा उत्रिएको इटालीले शानदार प्रदर्शन गर्दै बिना विकेटको क्षतिमा उक्त लक्ष्य १२ ओभर चार बलमा पूरा गर्न सफल भयो ।

आजको जितसँगै टि२० विश्वकपमा इटालीले अंकतालिकामा दुई अङ्क जोड्न सफल भएको छ ।

यसपटकको विश्वकप भारतका पाँच शहरका पाँच वटा स्टेडियम र श्रीलंकाको दुई शहरका तीन मैदानमा सञ्चालन भइरहेका छन् ।

टि ट्वान्टी विश्वकपमा २० वटा राष्ट्र सम्मिलित छन् ।