रुकुम पश्चिम -११, मङ्सिर ।

नेपाल प्रिमियर लिग (एनपीएल) मा आज दुईवटा खेल हुँदैछन् । टियु क्रिकेट मैदानमा जारी एनपीएल प्रतियोगितामा पहिलो खेल लुम्बिनी लायन्स र सुदूरपश्चिम रोयल्सबीच बिच प्रतिस्पर्धा हुँदैछ । आजको पहिलो खेल अहिले ११:४५ बजेदेखि सुरु भएको छ ।

लुम्बिनी लाइन्स विरुद्धको खेलमा सुदूरपश्चिम रोयल्सले टस जितेर फिल्डिङ रोजेको छ । सुदूरपश्चिम अहिलेसम्म प्रतियोगितामा अपराजित बन्दै आएको छ । उसले आज प्रतियोगिताको चौथो खेल खेल्दैछ ।

त्यसैगरी आजको दोस्रो खेल जनकपुर बोल्ट्स र पोखरा एभेन्जर्स बिच प्रतिस्पर्धा हुनेछ । खेल अपराहन्न ४ बजेदेखि सुरु हुनेछ ।

प्रतियोगितामा दुई खेल खेलेको जनकपुर दुवै खेलमा पराजित भएको छ । लुम्बिनी लाइन्सले भने तीन खेलमा एकवटा जित दर्ता गरेको छ ।

मङ्सिर १ गतेदेखि सुरु भएको दोस्रो संस्करणको नेपाल प्रिमियर लिग एनपीएलमा कुल ८ वटा टिमको सहभागिता रहको छ ।

यसपटक टियु क्रिकेट मैदानमा फ्लड लाईट र कुर्सी राखेपछि रात्रिकालीन समयमा पनि एनपीएलका खेलहरू सञ्चालन भइरहेका छन् । एनपीएलमा एसोसिएट र टेष्ट राष्ट्रका खेलाडीहरूको समेत सहभागिता रहेको छ ।

एनपीएलको फाइनल खेल मङ्सिर २७ गते हुनेछ । पहिलो संस्करणको एनपीएल उपाधि जनकपुर बोल्ट्सले जितेको थियो ।