रुकुम पश्चिम, -२०, भदौ

भारतले घरेलु प्रविधिमा अर्को ठूलो उपलब्धि हासिल गर्दै आफ्नो पहिलो ३२ -बिट माइक्रोप्रोसेसर “विक्रम-३२” सार्वजनिक गरेको छ । मंगलवार भारतको बैंगलोरमा सम्पन्न“सेमिकन इन्डिया २०२५” सम्मेलनका क्रममा ३२ -बिट माइक्रोप्रोसेसर “विक्रम-३२” सार्वजनिक गरेको हो

सूचना प्रविधि मन्त्री अश्विनी वैष्णवले ३२ -बिट माइक्रोप्रोसेसर “विक्रम-३२” सार्वजनिक सँगै यसको बारेमा बिस्तृत जानकारी दिएका थिए ।

उनका अनुसार यो प्रोसेसरलाई भारतीय अन्तरिक्ष अनुसन्धान संगठन (ISRO) अन्तर्गतको सेमीकन्डक्टर लेबोरेटरी (SCL), चण्डीगढ मा डिजाइन र निर्माण गरिएको हो । ‘विक्रम-३२’ नामकरण आधुनिक भारतीय अन्तरिक्ष अनुसन्धानका जनक डॉ. विक्रम साराभाई को नाममा गरिएको हो ।

अत्यन्तै कठोर वातावरणमा समेत काम गर्न सक्षम यस प्रोसेसरलाई विशेष गरी अन्तरिक्ष मिसन र रकेट प्रक्षेपणका लागि बनाइएको बताइन्छ । प्रारम्भिक संस्करण “विक्रम 3201” पहिले नै PSLV-C60 मिसनमा सफलतापूर्वक परीक्षण भइसकेको छ, जसले यसको अन्तरिक्ष योग्यताको पुष्टि गरिसकेको छ ।

विशेषज्ञहरूका अनुसार यो उपलब्धिले भारतलाई सेमिकन्डक्टर आत्मनिर्भरता अभियानतर्फ नयाँ उचाइमा पुर्‍याएको छ । अहिले विश्वमा ६४-बिट र AI-सक्षम चिपहरूको प्रतिस्पर्धा भइरहे पनि, ‘विक्रम-३२’ जस्तो स्पेस-ग्रेड भरोसायोग्य चिपले भारतलाई विश्वसनीय अन्तरिक्ष प्रविधि उत्पादनमा सक्षम बनाउने बताइएकाे छ।

भारतीय प्रधानमन्त्री नरेन्द्र मोदीले मंगलबार नयाँ दिल्लीमा सेमिकन इन्डिया २०२५ को उद्घाटन गर्ने क्रममा ३२ -बिट माइक्रोप्रोसेसर “विक्रम-३२” को उद्घाटन गरेका थिए ।

उद्घाटनका क्रममा प्रधानमन्त्री मोदीले यो उपलब्धिलाई “भारतको नयाँ सेमिकन्डक्टर यात्राको ऐतिहासिक माइलस्टोन” भनेका छन् ।