रुकुम पश्चिम -२७, जेठ ।
रुकुम पश्चिमको बराह टाकुरामा सम्पन्न तेस्रो रुकुम कप भलिबल प्रतियोगिताको विजेता बौदीकाली बनेको छ । सोमबार भएको फाइनल प्रतियोगितामा हाम्रो सरोकारलाई सोझो सेटमा पराजित गर्दै बौदीकालीले उपाधि चुमेको हो ।
रुकुम भलिबल प्रशिक्षण केन्द्रका अनुसार उपाधि विजेता टिमले पाँच लाख ११ हजार रूपैयाँ पुरस्कार प्राप्त गरेको छ । त्यस्तै उपविजेता टिम हाम्रो सरोकारले दुई लाख ६१ हजार प्राप्त गरेको छ । पालिका स्तरीय पुरुषतर्फको तेस्रो स्थान टिम खनाल र बनगाड कुपिण्डे सल्यानले सान्त्वना स्थान प्राप्त गरे ।
त्यस्तै महिलातर्फ बाँफिकोट गाउँपालिका विजेता बन्दा जनज्योति युवा विकास केन्द्र सिस्ने उपविजेता बन्यो ।
प्रतियोगितामा विजेतादेखि सान्त्वना हुने टिमलाई २५ प्रतिशत करकट्टी गरेर पुरस्कार प्रदान गरिएको आयोजकले बताएको छ ।
यसैगरी विधागततर्फ उत्कृष्ट हुने खेलाडीलाई पनि पुरस्कार प्रदान गरिएको छ । प्रतियोगितामा पुरुषतर्फ सर्वोत्कृष्ट खेलाडी हिमाल सुनारी र महिलातर्फ सिता सिंहले बाजी मारे ।
तेस्रो रुकुम कप भलिबल प्रतियोगितामा विजेता, उपविजेता, तेस्रो र सान्त्वना हुने टिमलाई पुरस्कार सहित प्रमाणपत्र, मेडल, कप, ट्रफी प्रदान गरिएको छ ।
जेठ १८ गते सुरु भएको पालिका स्तरीय पुरुष तथा खुल्ला महिला प्रतियोगितामा पुरुषतर्फ ७ र महिलातर्फ ४ टिम सहभागी रहेका थिए ।
