रुकुम पश्चिम -२१, जेठ ।
रोयल च्यालेन्जर्स बेंगलुरुले आइपिएल उपाधि जितेको छ । मङ्गलबार राति भएको फाइनल खेलमा पञ्जाब किंग्सलाई हराउँदै रोयल च्यालेन्जर्स बेंगलुरु (आरसिबी) ले पहिलो पटक इण्डियन प्रिमियर लिग (आइपिएल) उपाधि जितेको हो ।
नरेन्द्र मोदी क्रिकेट स्टेडियम अहमदावादमा भएको फाइनलमा पञ्जाबलाई ६ रनले पराजित गर्दै आरसिबीले १८ वर्षको लिग इतिहासमा पहिलो पटक उपाधि जितेको छ ।
१ सय ९१ रनको लक्ष्य पछ्याएको पञ्जाब निर्धारित २० ओभरमा ७ विकेट गुमाएर १ सय ८४ रनमा सीमित बन्न पुग्यो ।
आरसिबी च्याम्पियन भए पश्चात आइपिएलले ८औं च्याम्पियन टिम पाएको छ ।
आरसिबी चौथो पटकको प्रयासमा च्याम्पियन भएको हो । यसअघि आरसिबी फाइनलमा सन् २००९ मा डेक्कन चार्जससँग ६ रन, सन् २०११ मा चेन्नई सुपर किंग्ससँग र सन् २०१६ मा सनराइजर्स हैदराबादसँग पराजित भएको थियो ।
पञ्जाब दोस्रो पटक पनि उपविजेतामा सिमित रहेको छ । २०१४ को फाइनलमा पन्जाब कोलकता नाइटराइडर्ससँग पराजित भएको थियो ।
