रुकुम पश्चिम -८, चैत ।
नेपालले पहिलोपटक सिङ्गापुरलाई १-० गोल अन्तरले पराजित गरेको छ । सिङ्गापुरको राष्ट्रिय रङ्गशालामा आज सम्पन्न अन्तर्राष्ट्रिय मैत्रीपूर्ण खेलमा नेपालले सिङ्गापुरलाई पराजित गरेको हो ।
फरवार्ड जिलेस्पी जङ्ग कार्कीको गोलमा नेपालले सिङ्गापुरलाई उसैको घरेलु मैदानमा पहिलो पटक हराएको छ । नेपालका लागि फरवार्ड जिलेस्पीले खेलको १२ औं मिनेटमा गोल गरेका हुन् । उक्त गोल नै निर्णायक बन्यो ।
नेपाली यस अघि सिङ्गापुरको सिनियर पुरुष राष्ट्रिय टिमसँग चार पटक प्रतिष्पर्धा गरेको थियो । तर नेपालको यो पहिलो जित हो ।
नेपाली राष्ट्रिय टोलीको मुख्य प्रशिक्षकमा म्याट रस नियुक्त भएपछि नेपालको यो पहिलो आधिकारिक अन्तर्राष्ट्रिय खेल हो ।
एएफसी एसियन कप छनोट खेल्ने तयारीमा रहेको नेपालले त्यसैको तयारी गरिरहेको सिंगापुरसँग मैत्रिपूर्ण खेल खेलको हो ।
अब नेपालले एसियन कप छनोटको तेस्रो चरणमा मलेसिया सँग खेल्नेछ ।
यस समूहमा भियतनाम र लाओस पनि छन् । शीर्षस्थानमा रहेको टोलीले एसियन कप खेल्नेछ ।
