रुकुम पश्चिम -२, चैत ।

रुकुम पश्चिममा बिहान सात बजे देखि बेलुका ६ बजे सम्म विद्युत सेवा अवरुद्ध हुने भएको छ । सल्यानदेखी जिल्लाको धैरेनी चौरसम्म ३३ केभी लाइनको बुस कटिङ कार्य गरिने भएकाले विद्युत सेवा बन्द रहने नेपाल विद्युत प्राधिकरण, रुकुम पश्चिम वितरण केन्द्रले जनाएको छ ।

विद्युत अवरुद्ध हुँदा जिल्लाका सबै क्षेत्र प्रभावित हुने भएकाले स्थानीय बासिन्दाहरूलाई आवश्यक वैकल्पिक व्यवस्था गर्न आग्रह गरिएको छ ।

विद्युत प्राधिकरणले नियमित मर्मतसम्भार कार्य अन्तर्गत लाइन सफा गर्ने कार्य गर्नुपर्ने भएकाले एक सूचना मार्फत विद्युत कटौती गर्नु परेको स्पष्ट पारेको छ ।

विद्युत अवरुद्धको कारण ग्राहकमा पर्न गएको असुविधाप्रति प्राधिकरणले क्षमा मागेको छ ।