रुकुम पश्चिम २७, माघ ।

सल्यान महोत्सवमा आगलागीबाट करोडौँको क्षति भएको छ । राष्ट्रिय लोकदोहोरी प्रतिष्ठान सल्यानले आयोजना गरेको दोस्रो बृहत सल्यान महोत्सव स्थलमा शनिवार राति आगलागी हुँदा करोडौँको क्षति भएको हो ।

राष्ट्रिय लोकदोहोरी प्रतिष्ठान सल्यानका सचिव नोखिराम थापाले दिएको जानकारी अनुसार आगलागीबाट आठ करोड बराबरको सामान जलेर नष्ट भएको छ । १ सय ३५ स्टल मध्ये ८० स्टलमा आगजानी भएको राष्ट्रिय भएको बताइएको छ । १८ गते बाट जारी महोत्सवमा ८ औं दिन राती आगलागी  भएको हो ।

नेपाली सेना, नेपाल प्रहरी, सशस्त्र प्रहरी र स्थानीयद्वारा राती नै आगो नियन्त्रणमा लिएको सल्यान प्रहरी प्रमुख केशर न्यौपानेको भनाइ छ । उहाँका अनुसार क्षतिको पूर्ण विवरण आउन र आगलागीका बारेमा अनुसन्धान भैरहेको छ ।