रुकुम पश्चिम -२६, जेठ ।
नेपाल सरकारको गृहमन्त्रीमा सुधन गुरुङ र विज्ञान प्रविधि तथा नवप्रवर्तन मन्त्रीमा महावीर पुन नियुक्त भएका छन् । नव नियुक्त दुवै जना मन्त्रीले आजै पद तथा गोपनीयताको शपथ गरेका छन् ।
राष्ट्रपति कार्यालय शीतल निवासमा आज बेलुकी आयोजित विशेष समारोहमा राष्ट्रपति रामचन्द्र पौडेलले प्रधानमन्त्री शाहको सिफारिसमा मन्त्रीको नियुक्त गर्दै मन्त्रिहरुलाई शपथ गराउनु भएको छ ।
सुधन गुरुङलाई पुनः गृह मन्त्रालयमा दोस्रो पटक जिम्मेवारी दिइएको छ । सम्पत्ति सम्बन्धी विवादमा तानिएपछि उनीमाथि एक समिति गठन गरि अनुसन्धान गरिएको थियो । मन्त्रिपरिषदको आजको बैठकमा उक्त समितिको प्रतिवेदन पनि पेश भएको थियो ।
समितिले सम्पत्ति सम्बन्धी विवादमा सफाइ दिएसँगै गुरुङ गृहमन्त्रमा फर्केका छन् ।
स्वतन्त्र सांसद महावीर पुनलाई भने पहिलो पटक गठन गरिएको विज्ञान प्रविधि तथा नवप्रवर्तन मन्त्रालयको जिम्मेवारी दिइएको छ ।
नव नियुक्त मन्त्रीको सपथ ग्रहण ग्रहणसँगै प्रधानमन्त्री बालेन्द्र शाहलले मन्त्रिपरिषद विस्तार गर्नु भएको छ ।
