रुकुम पश्चिम -३, वैशाख ।

रुकुम पश्चिमको चौरजहारीमा पाँचौं बृहत चौरजहारी पर्यटन, व्यापार तथा सांस्कृतिक महोत्सव लाग्ने भएको छ । सहिद स्मृति कला सांस्कृतिक संरक्षण केन्द्रको आयोजनामा आउँदो वैशाख १० देखि २३ गतेसम्म महोत्सव सञ्चालन गर्न लागिएको हो ।

कला, संस्कृति, पर्यटन तथा व्यापार क्षेत्रमा महत्वपूर्ण योगदान पुऱ्याउने उद्देश्यले महोत्सव आयोजना गर्न लागिएको केन्द्रका अध्यक्ष बिरेन्द्र विकले जानकारी दिए ।

महोत्सवमा राष्ट्रिय तथा स्थानीय कलाकारहरूको बेजोड प्रस्तुति सहित स्थानीय मौलिक नृत्य, रोटे पिङ, भेरी पुल फोटो प्रदर्शनी लगायत अन्य आकर्षक प्रस्तुतिहरू राखिने छ । त्यस्तै महोत्सवमा १ सय ५० भन्दा बढी व्यापारिक स्टलहरू रहने र स्थानीय उत्पादनलाई समेत विशेष प्राथमिकता दिइने आयोजकले बताएको छ ।