रुकुम पश्चिम -१३, साउन ।

कर्णाली प्रदेश सरकारको मुख्यमन्त्रीमा मंगलबार नियुक्त भएका मंगल बहादुर शाहीले आज सपथ लिएका छन् । शाहीलाई प्रदेश प्रमुख यज्ञराज जोशीले सपथ गराएका हुन् ।

नवनियुक्त मुख्यमन्त्री शाहीले नेपालको संविधानको धारा १६८ को उपधारा (२) बमोजिम कर्णाली प्रदेशको पाचौं मुख्यमन्त्रीको रुपमा नियुक्त हुँदै सपथ ग्रहण गरेका छन् ।

मुख्यमन्त्रीको सपथ ग्रहण सँगै अब कर्णाली सरकारको मन्त्रीमण्डलले पूर्णता पाउने छ ।

नेकपा एमाले र नेकपाको केन्द्रीय निर्णय अनुसार कर्णाली प्रदेशमा नेकपालाई मुख्यमन्त्रीको भागबण्डा परेको थियो । सोही आधारमा नेपाली कम्युनिष्ट पार्टी संसदीय दलका नेता समेत रहेका शाही कर्णाली प्रदेश सरकारमा मुख्यमन्त्रीको रुपमा नियुक्त भएका हुन् ।