रुकुम पश्चिम -२०, भदौ ।

रुकुम पश्चिमका नव मोडल राम बी पुन ‘रामु’ ले प्रतिष्ठित ४औं नेसनल ब्रान्ड म्युजिक अवार्ड-२०८२ जितेका छन् । उनले पुरुष तर्फ ‘न्यु मोडर्न सङ्ग एक्टर मेल’ विधाको अवार्ड जितेका हुन् ।

चर्चित आधुनिक गीत ‘तिमीलाई हेरी हेरी’ बाट उत्कृष्ट पाँचभित्र मनोनयनमा परेर पुनले अवार्ड जिते । उनले उक्त अवार्ड शुक्रबार काठमाडौंमा आयोजित एक कार्यक्रममा ग्रहण गरेका छन् ।

दर्शकको भोटको आधारमा अवार्ड जितेसँगै मोडल पुनले सम्पूर्ण दर्शक, शुभेच्छुक तथा सहयोगीहरूप्रति धन्यवाद व्यक्त गरेका छ्न् । यसअघि उनले बि स्टार फिल्म म्युजिक अवार्ड २०८२ को सर्वोत्कृष्ट सुगम संगीत नव मोडलको अवार्ड जितेका थिए ।