रुकुम पश्चिम -३, भदौ ।

कर्णाली प्रदेश सरकारका मुख्यमन्त्री मंगलबहादुर शाहीले विश्वासको मत प्राप्त गरेका छन् । साउन १२ गते कर्णाली प्रदेश सरकारको मुख्यमन्त्रीमा नियुक्त भएका शाहीले आज विश्वासको मत पाएका हुन् ।

प्रदेश सभामा उपस्थित भएका ३६ जना सांसद मध्ये २१ जना सांसदले मुख्यमन्त्री शाहीको पक्षमा विश्वासको मत दिएका छन् । उनको विपक्षमा १३ जना सांसद रहँदा दुई जना सांसद भने तटस्थ रहे ।

प्रदेश सभाबाट शाहीले मुख्यमन्त्रीमा विश्वासको मत पाएसँगै कर्णाली प्रदेश सरकारको मन्त्रिमण्डलले अब पूर्णता पाउने छ ।
मुख्यमन्त्री शाही नेकपा एमाले र नेकपाको पछिल्लो सहमति र समीकरणबाट कर्णाली प्रदेशको मुख्यमन्त्री बनेका हुन् ।