रुकुम पश्चिम -१५, असार ।
आज असार १५ गते, अर्थात् यस वर्षको २३औं राष्ट्रिय धान दिवस देशैभर विविध कार्यक्रमको आयोजना गरी मनाइएको छ । “जलवायुमैत्री प्रविधि, धानमा आत्मनिर्भरता र समृद्धि” भन्ने मूल नाराका साथ राष्ट्रिय धान दिवस मनाइएको छ ।
सोही दिवसको दिन रुकुम पश्चिममा पनि विविध कार्यक्रमको आयोजना गरी भव्य रुपमा राष्ट्रिय धान दिवस मनाइएको छ । यसै धान दिवसको अवसरमा जिल्लाका तीनजना उत्कृष्ट कृषकलाई मुख्यमन्त्री उत्कृष्ट कृषक पुरस्कारबाट खादा ओढाएर नगद रकम र प्रमाणपत्रले सम्मान गरिएको छ । प्रथम हुने कृषकलाई ३० हजार, द्वितीय हुनेलाई २५ हजार र तृतीय हुनेलाई २० हजार नगद रकम प्रदान गरिएको छ ।
कृषि विकास कार्यालयले मुसिकोट नगरपालिका वडानम्बर -४ र ६ मा पर्ने ट्याखोलामा एक कार्यक्रमको आयोजना गरी उत्कृष्ट किसानलाई सम्मान गरेको हो । सम्मानित हुने कृषकले वार्षिक ६ देखि १९ लाखसम्म आम्दानी गरेको पाइएको छ ।
यी हुन् मुख्यमन्त्री उत्कृष्ट कृषक पुरस्कारबाट सम्मानित हुने तीनजना किसान
१) चन्द्रबहादुर खड्का – (प्रथम) (अविनाश कृषि तथा पशुपंक्षी फर्म)
ठेगाना – त्रिवेणी गाउँपालिका वडानम्बर -४
वार्षिक आम्दानी – १९ लाख ।
२) कर्णबहादुर खत्री – ( द्वितीय)
(ढकाल अर्गानिक ताजा तरकारी बिउ उत्पादन तथा पशुपालन कृषि फर्म)
ठेगाना – मुसिकोट नगरपालिका -१३
वार्षिक आम्दानी – ८ लाख ।
३) बीर बहादुर खड्का – (तृतीय)
(खड्का व्यावसायिक कृषि फर्म)
ठेगाना – मुसिकोट नगरपालिका -११
वार्षिक आम्दानी – ६ लाख ।
