रुकुम पश्चिम -८, जेठ ।
आइसिसी विश्व कप लिग टु अन्तर्गत टियु अन्तर्राष्ट्रिय क्रिकेट मैदानमा आज भएको खेलमा नेपालले अमेरिकालाई एकसय २२ रनले पराजित गरेको छ । नेपालले अमेरिकालाई ४२ ओभर २ बलमा अल आउट गर्दै फराकिलो जित दर्ता गरेको हो ।
अमेरिकासँगको खेलमा टस हारेर पहिला ब्याटिङको निम्तो पाएको नेपालले पुरै ५० ओभर खेल्दै आठ विकेटको क्षतिमा ३ सय १७ रनको विशाल लक्ष्य बनाएको थियो । जवाफी ब्याटिङमा अमेरिकाले सबै विकेट गुमाउँदै एक सय ९५ रन मात्र बनाउन सक्यो ।
नेपालका लागि इशान पाण्डेले सर्वाधिक ८४ रन बनाए । त्यस्तै दिपेन्द्र सिंह ऐरीले ५९ रन सहितको अर्धशतकीय पारी खेले ।
आजको जितसँगै त्रिकोणात्मक सिरिजमा नेपालले अङ्क तालिकामा दुई अङ्क थपेको छ । नेपाल २४ अङ्क सहित अङ्क तालिकाको पाँचौं स्थानमा रहेको छ ।
नेपालसँगै अमेरिका र स्कटल्यान्ड सहभागी त्रिकोणात्मक सिरिजमा नेपालले आफ्नो चार खेलमा एकवटा मात्रै खेलमा हार ब्यहोर्नुपर्यो ।
