रुकुम पश्चिम -२४, वैशाख ।
रुकुम पश्चिमको आठविसकोट नगरपालिका -१३, घेत्माका ९ वर्षीय बोनम्यारो पीडित एलिस पुनको उपचारमा आर्थिक अभाव भएको छ । भारतको दिल्ली स्थित एम्स अस्पतालको पछिल्लो रिपोर्ट अनुसार उपचाररत पुनलाई बोनम्यारो ट्रान्सप्लान्ट गर्नुपर्ने भएकाले आर्थिक अभाव भएको परिवारले बताएको छ ।
बोनम्यारोबाट (शरीरको हड्डीभित्र भएको नरम भाग) पीडित पुनलाई अस्पतालले आउँदो जेठ महिनाको २२ गते बोनम्यारो ट्रान्सप्लान्ट गर्नुपर्ने बताएको छ । तर लामो समयदेखि नेपाल हुँदै दिल्लीसम्मको आउजाउ र नियमित उपचारले परिवारको आर्थिक अवस्था नाजुक भएकाले एलिस बचाउका लागि मनकारी व्यक्तिलाई सहयोगको अपिल गरिएको छ ।
एलिसका बुवा बिमल राज पुनले उपचारको सिलसिलामा हालसम्म लाखौं रकम खर्च भइसकेको बताएका छन् । अब आउँदो महिना बोनम्यारो ट्रान्सप्लान्टका लागि अझ धेरै रकमको आवश्यकता पर्ने भएकोले थप आर्थिक सहयोगको अपेक्षा गरिएको उनको भनाइ छ ।
बोनम्यारो पीडित एलिसलाई आठविसकोट नगर हस्पिटल देखि कान्ति बाल अस्पताल काठमाडौँ हुँदै विगत एक महिनादेखि दिल्लीमा राखेर उपचार गराइरहेको परिवारले बताएको छ ।
एलिसको उपचारमा आर्थिक सहयोगका लागि एलिसको बुवा बिमलराज पुन तथा बालकको मामा बसन्त चन्दको खाता नम्बरमा सहयोगी दाताले थोरै भएपनि सहयोग रकम पठाउन सक्नुहुनेछ ।
खातावालाको नाम – बिमलराज पुन
खाता नम्बर – २६०७०३८०५०१०००१८
बैंक – प्रभु बैंक, आठविसकोट ।
खातावालाको नाम – बसन्त चन्द
खाता नम्बर – २६०७०३७३२५००००१८
बैंक – प्रभु बैंक, आठविसकोट ।
