रुकुम पश्चिम -१५, बैशाख ।

जिल्लाको आठविसकोट नगरपालिका वडानम्बर -९, सुन्दरपानी नजिकै आज साँझ जिप दुर्घटना हुँदा १९ जना घाइते भएका छन् । राडीबजारबाट सुन्दरपानी, कोट हुँदै घर्तीगाउँ जाँदै गरेको ग २ च ५२१३ नम्बरको जिप दुर्घटना हुँदा १९ जना घाइते भएका हुन् ।

घाइते १९ जना मध्ये अन्य दुईजनाको अवस्था गम्भीर रहेको प्रहरीले बताएको छ । गम्भीर घाइते हुनेमा वडानम्बर -८ का २३ वर्षीय महेन्द्र गैरे र वडानम्बर -१० की ४५ वर्षीया जसी दमाइ रहेका छन् ।

दुर्घटनापछि घाइतेलाई स्थानीय र प्रहरीको उद्धारमा नगर अस्पताल राडी बजार पुर्‍याइएको थियो । घाइतेको अहिले उपचार भइरहेको छ ।

क्षमताभन्दा बढी यात्रु सवार भएका कारण जिप दुर्घटना भएको अनुमान गरिएको छ ।