रुकुम पश्चिम -१४, वैशाख ।

मुसिकोट नगरपालिका -५, सेरीगाउँमा रहेको सहिद प्रतिष्ठान हलमा निःशुल्क योग शिविर सञ्चालन हुने भएको छ । मुसिकोट नगरपालिकाको वार्षिक स्वीकृत कार्यक्रम अनुसार आउँदो बुधबार देखि निःशुल्क योग शिविर सञ्चालन हुन लागेको हो ।

मुसिकोट आयुर्वेद औषधालयका वरिष्ठ कविराज निरीक्षक राजेन्द्र केसीले निःशुल्क योग शिविर १० दिनसम्म चल्ने बताए । उक्त शिविर हरेक दिन बिहान ४:४५ बजे देखि बिहान ७ बजेसम्म नियमित सञ्चालन हुने छ ।

योग शिविरमा सहभागी इच्छुक खुकुलो र सहज कपडा लगाएर खाली पेटमा उपस्थित हुनुपर्ने मुसिकोट आयुर्वेद औषधालयको भनाइ छ ।

यहाँको आयुर्वेद औषधालयले हरेक वर्ष मुसिकोट नगरपालिकाको वार्षिक स्वीकृत कार्यक्रम अनुसार नगरपालिकाभित्र निःशुल्क योग शिविर सञ्चालन गर्दै आइरहेको छ ।