रुकुम पश्चिम -३०, चैत ।
पूर्वमन्त्री सुदन किरातीले वर्तमान सरकारको सार्वजनिक सम्पत्ति विवरणलाई लक्षित गर्दै गरिबको भोटमाथि धनीको शासन भएको बताएका छन् । प्रधानमन्त्री बालेन्द्र शाह र सरकारमा सहभागी मन्त्रीको सार्वजनिक सम्पत्तिप्रति टिप्पणी गर्दै किरातीले जनताको भोटमाथि धनी नेताले शासन गरेको बताएका हुन् ।
उनले सामाजिक सञ्जाल फेसबुक मार्फत स्वदेशमा सम्पत्ति कमाउने अवसर नभएर लाखौं युवा विदेश गइरहेका बेला केही युवाले नेपालमै लाखौं कमाएर मन्त्री भएको आरोप लगाएका छन् । प्रधानमन्त्री र मन्त्रीको सार्वजनिक स्पष्ट सम्पत्ति विवरणले कि त उनीहरूका पुर्खाहरूले बदमासी गरेको कि आफैले गडबडी गरेकोमा आश्चर्य व्यक्त गरेका छन् ।
किरातीले सम्पत्ति विवरण बुझाउँदा नियम अनुसार स्रोत खोल्नुपर्ने बताउँदै राज्यलाई कर तिरे नतिरेको विषयमा पनि स्पष्ट हुनुपर्ने जनाएका छन् । त्यस्तै हदबन्दी भन्दा बढी जग्गा जमिन हुनेलाई कानुन अनुसार कारबाही गर्न प्रधानमन्त्री बालेन्द्र शाहको सरकारलाई अनुरोध समेत गरेका छन् ।
