रुकुम पश्चिम -२६, चैत ।

नेपाल सरकारका श्रम, रोजगार तथा सामाजिक सुरक्षामन्त्री दिपककुमार साह पदमुक्त भएका छन् । उनलाई प्रधानमन्त्री वालेन्द्र शाहले आज पदमुक्त गर्नुभएको छ ।

रास्वपाको सिफारिस अनुसार साहलाई पदबाट हटाउने निर्णय गरिएको हो । स्वास्थ्य बिमा बोर्डको सदस्य रहेकी मन्त्री साहकी श्रीमतीलाई साह मन्त्री भएपछि पदीय मर्यादाको दुरुपयोग गरेको भन्दै रास्वपाले कारबाहीका लागि प्रधानमन्त्रीलाई सिफारिस गरेको थियो ।

रास्वपाको केन्द्रीय अनुशासन आयोगले साहको यो गतिविधिबाट पार्टीको छवि, आर्दश, सिद्धान्त र मर्यादामाथि आँच आउने निष्कर्ष निकालेको छ ।

रास्वपाको पार्टी विधानको धारा २५ (४) (क) ले पार्टी सभापतिलाई पार्टीको आदर्श, सिद्धान्त र मर्यादामाथि आँच आउन नदिन जिम्मेवारी सुम्पेको र पदको दुरुपयोग भएको अवस्थामा विधानको धारा ६९ मा पार्टीले जिम्मेवारीबाट फिर्ता बोलाउन सक्ने व्यवस्था भएकाले मन्त्री साहलाई जिम्मेवारीबाट अलग गर्न सिफारिस गरेको थियो ।