रुकुम पश्चिम -२२, चैत ।
आज दिउँसो देखि देशको हिमाली र पहाडी भू-भागमा साधारणतया बादल लाग्ने तथा बाँकी भू-भागमा आंशिक बादल लाग्ने जल तथा मौसम विज्ञान विभागले बताएको छ । महाशाखाका अनुसार देशका पहाडी तथा हिमाली भू-भागका केही स्थानमा मेघगर्जन चट्याङ्ग सहित असिना, हावाहुरी तथा मध्यम वर्षा र हिमपात हुने छ ।
लुम्बिनी र सुदुरपश्चिम प्रदेशका तराई भू-भागका थोरै स्थानमा तथा बाँकी तराई भू-भागका एक-दुई स्थानमा मेघगर्जन चट्याङ्ग सहित हल्का वर्षाको सम्भावना रहेको छ ।
मधेश र कोशी, बागमती र गण्डकी प्रदेशका तराई भू-भागका केही स्थानमा हावाहुरीको समेत सम्भावना रहेको जल तथा मौसम विभागले बताएको छ ।
त्यस्तै आज राति देशको हिमाली भू-भागमा साधारणतया बादल लाग्नेछ । पहाडी भू-भागमा आंशिक बादल लाग्ने र तराई भू-भागमा मौसम मुख्यतया सफा रहने छ ।
कोशी, गण्डकी, कर्णाली प्रदेशका हिमाली भू-भागका थोरै स्थानमा तथा बागमती, लुम्बिनी र सुदुरपश्चिम प्रदेशको हिमाली भू-भाग, कोशी र गण्डकी प्रदेशको पहाडी भू-भागको एक-दुई स्थानमा मेघगर्जन चट्याङ्ग सहित हल्का वर्षा र हिमपातको सम्भावना रहेको छ ।
मधेश र कोशी प्रदेशका तराई भू-भागका केही स्थानमा भने हावाहुरीको समेत सम्भावना रहेको महाशाखाले जनाएको छ ।
