रुकुम पश्चिम -२१, चैत 

मुक्तकः १

खै किन झुट्टा वचन दिएछन् थाहै भएन
सम्झिनु अगावै बिर्सिएछन् थाहै भएन ।।

हिजो जीवनको यात्रा संगै गर्छु भन्नेहरु
कुन्नी कहाँबाट छुट्टिएछन् थाहै भएन ।।

मुक्तकः २

जति सुन्यो उती सुनौं लाग्ने दिन्छन् भाषण नेताले ।
व्यवहारमा त पारदर्शिता अनि बिर्से सुशासन नेताले ।।

यहाँ सधैँ बहिष्कृत वर्ग पछाडि पर्छन्, त्यो आरक्षणमा खै कहिले समेटिन्छन्
अझ यी सबै मैले गरे भनि चलाउँछन् शासन नेताले ।।

मुक्तकः ३

नहोस् भनि यहाँ अभिशाप टर्ने भए ।
पछुताउँदैन भनि यहाँ पश्चाताप टर्ने भए ।।

लुकाएर राख्थे होला आफ्ना सारा गल्तिहरु ।
मिल्ने भए टार्थे होला न्याय अनि निशाप टर्ने भए ।।